| Yuet May's profileFeel GreatPhotosBlogLists |  Tools  Help |
|
September 28 結業榮休我捨不得你.....yeah....yeah....!!!
唔好意思呀 msn spaces，我終於決定都係放棄你啦.....我真係好唔捨得你架，因為不經不覺你已經陪伴咗我一年有多啦.....但無奈你與我之間有著一條深溝，既然大家無法接受，咁我地唯有分手吧喇.......我真係無法唔作出一個咁既決定!!!
我會永遠.....永遠....記住你架.....linglingma.spaces.live.com.....
再見喇....你要好好保重呀.....再....見.....!!!
*****************************************************************************************************
名位,
本人謹定於二零零六年九月二十八日後不會再在這裡發表任何網誌，如欲想繼續收看本人的網誌，大家煩請移玉步到這裡探訪我吧.....
多謝大家一年多來的支持，我會繼續努力做到最好.....多謝....多謝.....我們在那邊再會吧!!!!
小妹上 September 24 晚餐ABC是日晚餐有ABC三款，等我同大家介紹一吓先.....
A餐
 蘿宋牛尾湯+蝦醬蒸豬肉+油菜芯
B餐
 蒜頭豆豉蒸排骨+豆豉鯪魚炒油麥菜
C餐
    唔知咁多款有無邊款岩口味咁呀..... September 05 是日晚餐今晚用個高速煲煲咗兩煲靚湯，另外用個 PAN 就煲咗煲飯，所以今日無做三合一了....
 開飯喇....
先來張大合照先...
 續樣介紹先，第一個係龍利葉蘋果煲瘦肉湯，因為哩兩晚訓覺時個喉嚨都好痕，又咳兩聲，所以煲嚟潤一潤佢先...
 餸就好簡單，一個蕃茄雞蛋炒牛肉
 另一個係清炒菜芯
 做細妹既我都算唔話得，知道阿哥牙痛又牙肉腫，所以特登煲多一個下火湯過佢，好在有哩個高速煲，如果唔係阿哥你就無愛心牌下火湯飲喇....
 鹹魚頭豆腐芥菜湯，對牙痛同牙肉腫好有幫助架....
 September 02 木瓜花生雞腳煲豬展又煲咗老火湯，今次用咗20分鐘，不過 d 雞腳溶晒，好難先搵到隻完整既放係面影相....下次都係減返 d 時間同減返 d 水...
 原本諗住煲多碗水可以第二日帶返工飲...點知唔記得 d 木瓜係會出水既，煲完多咗好多水呀，咁唯有留返第二日先飲喇.....不過比我發現原來 d 湯隔咗夜之後仲甜呀....好好味...
  August 31 美食大派對之中泰餐星期日又同一班煮食友開派對，今次每人都要整至少一樣既食物....我地既食量真係好勁人，不過個個整出嚟既食物又真係有板有眼架....大家睇睇先啦....
 先來餐前小食
  再來麵包+湯
   主菜上場
       餐後甜品
      餐飲到
  August 26 青紅蘿蔔豬骨湯+蘿蔔炆牛腩今日試咗用個高速煲嚟煲老火湯，25 分鐘真係可以煲出一個青紅蘿蔔煲豬骨湯架，不過都係多料咗 d 下次減返 d 料先....
 大家睇吓 d 相，可以睇得出 d 湯都好濃吓架，而 d 蘿蔔都好淋....
    除咗湯就炆咗個蘿蔔牛腩，15 分鐘攪掂，下次可以減少1-2分鐘，因為 d 牛腩淋得濟啦...
  August 24 Fissler 藍點高速煲 - 剪綵喇!!!之前係其他網到睇見人地玩哩個藍點高速煲，見佢地話好慳時間，煲個老火湯都只係需要 30 分鐘，煮餐飯都只係 4-5 分鐘，真係睇到我心郁郁.... 岩晒我哩 d 成日都話無時間煮飯既無飯煮婦...
前日終於忍唔住走去買咗個高速煲，琴晚一於同佢剪綵....  睇落我 d 製成品都唔錯咁喎.....  蕃茄薯仔煲碎牛湯，蒜頭豆豉蒸排骨，加埋個白飯全部都係哩個煲煲出嚟架....   其實我煮時都失敗過架，因為我貪心唔聽話，個 sales 都話如果一次過又煲湯又煮飯或蒸餸的話 d 水係唔可以高過個架，我唔聽書所以煮完出嚟 d 湯真係滾咗入去盤飯到呀....變成泡飯呀....
 所以我即刻再煲另一煲白飯，好在哩個煲夠快，3 分鐘有得食，不過我覺得 3 分鐘唔多夠下次都係用 4 分鐘好 d....以上所講既時間全部都係以水滾後藍點上升上兩個白圈開始計呀... August 19 桌面接力遊戲我的桌面會用什麼做桌布....哈哈....咪就係佢囉...!!!
目前桌面的圖案是?
 OS為? 這台是你的個人電腦？還是公司或家人共用的電腦? 一堆檔案和捷徑放得亂七八糟的桌面，你看得下去嗎? 最後請再傳給5個「我想看看他的桌面」的人。
戰利品今日突然間被朋友仔叫咗去美食展，其實自己本身唔大興趣，因為我一向都好怕迫人....所以有咩大減價既日子我都唔會去買嘢既.....
唔好話我扮高上，而係我真係好怕迫人，行都行唔郁，我又易忟憎....一陣發皮氣鬧人就唔好啦....
  August 13 腰果糊一個新嘗試，今日學人整糊，不過就唔係一般芝麻糊或者合桃糊...而係腰果糊
不過今之又係唔多成功...
因為我懶唔想落街買魚袋所以只係用篩去隔渣，點知咁就出事，原來隔唔到架，隔完之後都無渣係個篩到....結果煮完出嚟係好杰我加多好多水落去先免強叫似少少...除了太杰身之外仲無咩腰果味，可能炒得唔夠香，下次都係焗好 d....
算吧....下次我會再來既，我有小妹精神!!!
今次影低咗 d 製作圖片比自己睇返....
1. 米浸水半小時，之後飛水
 2. 腰果炒香備用
 3. 水
 4. 將1+2+3放入攪拌器上攪成腰果水
 5. 過篩....不過下次都係用魚袋
  6. 加糖，用中火煮滾即成
 7. 製成品
 August 11 睇得又食得今日係超趕既時間之內走去買咗一包現成酥皮同埋杏仁粒，再嚟一次....今次得咗喇，不過都係有 d 唔滿意，因為我焗唔到 d 酥皮成金黃色，想再焗多陣但又驚面頭 d 杏仁粒會燶.....因為都已經有 d 燶燶地了....所以算吧，又睇吓佢會點先...
不過我發現可能本身 d 酥皮唔係用牛油，係用白油，所以個皮出嚟唔多金黃.....下次搵個朋友仔再試試先，睇佢同我一唔一樣既結果....
   August 09 睇得唔食得之前家裡發生事故心情已經跌落谷底，點知係哩個時候就連個古董雪櫃(用咗成廿年都有)都壞埋，唔通阿媽唔捨得個雪櫃要帶埋佢走.....
 當壞咗個雪櫃之際，我唯有用屋企個迷你雞蛋雪櫃頂住先啦，因為隻雞蛋太迷你啦，放唔到 d 咩，所以有好多食品都要棄掉....真係心痛死我呀...
 今日一心諗住拎返舊現成酥皮出嚟整嘢食，點知原來舊酥皮已壞了，一開出嚟已經聞到有少少酸味，不過個樣就無咩問題，唔理照做...當做 demo 都好，因為未玩過現成酥皮，想知易唔易整....哩個就係我個製成品了....
  August 03 Bailey Cheese Cake唉...真失敗，掛住上網唔記得睇火，一心諗住用蒸焗法都唔會點出事就真係出事了!!!
依家比住個衰樣大家睇住先，聽朝早先脫模再比個內心世界大家睇...
 停產一排真係有 d 生疏，整個過程都好慢，要用成個鍾先可以做起個蛋糕糊.....真係有點雞手鴨腳.... 好麻煩好麻煩，唔鍾意唔鍾意都唔知攪咩鬼哩個 msn space 哩幾日成日都 load 唔到，load 到之後又變鬼咗樣，哩個新 Window Live Space 極之唔方便使用，又 load 唔到個相薄....最慘就係我 click 入去我 d 連結到佢唔係開一個新 window 而係用我原有既 window 嚟開，攪到我次次都要返上一頁.....一係就好慣手咁將個 window 都閂埋....
攪咩架，人地只會越整越好，點解哩個 msn 就越整越衰架....>__<
唔該唔好攪咁多喇，比我穩穩定定咁用好嗎??? July 11 伯朗峰 - 栗子蛋糕伯朗峰，唔好問個名點解，因為我都唔知點解....係跟書寫架咋....
今日見屋企有枝栗子蓉買咗好耐，就快到期，所以拿拿聲用埋佢....
我買哩枝栗子蓉係一心諗住整哩個伯朗峰既，因為覺得唧出嚟一條條好靚，點知原來係好難唧同好難唧得靚架，妳睇我 d 相就知喇....
   July 09 白方包 + 提子方包 (直接法)又整咗一個白方包加一個提子方包，今次都係用直接法去做，不過今次用既時間都比較耐....由開始到完成都用咗成四個幾小時....同中種既時間都差不多，唔知咩原因，可能係我手腳慢所以要用咁長時間....
 今次都係用300g粉去做，所以都係用mixer幫手搓，完全無經過我手去搓佢，mixer搓完就直接拎去發酵啦...之後分割滾圓靜止，再做型入模....今次個方包模係有蓋既，買咗好耐都只係用過一次...
 其實我屋企有好多用具都只係用過一次半次，亦有好多都係新既未用過，諗諗吓真係敗家...買咗又唔用，又要阻住個廚房....唉....哩個都係我既死証... 由於個份量較大，所以今次我用一半做白方包，另一半就加入提子乾做提子方包....好比大家睇相啦...
       唔知咩原因，我整出嚟 d 包包成日都唔係全白色既，今次個食譜仲只係用蛋白無蛋黃既，咁好明顯係唔關蛋事啦，咁究竟係咩原因呢....我真係百思不得其解....有無人知點解呀....  |
|
|
